https://www.football-plus.az/ Football-plus.az true https://www.football-plus.az/88068-turan-tovuz-aleksa-yankovici-transfer-etdi.html kenan Ölkə futbolu Thu, 10 Sep 2026 20:48:31 +0400 “Turan Tovuz” heyətinə yeni futbolçu cəlb edib.

"Football-plus.az" xəbər verir ki, "bozqurd" son olaraq “Sumqayıt”da çıxış edən Aleksa Yankoviçi transfer edib.

Klubun yaydığı açıqlamaya görə, 26 yaşlı serbiyalı yarımmüdafiəçi ilə 3 illik müqavilə imzalanıb.

Qeyd edək ki, Yankoviç karyerası ərzində Serbiyada “Partizan”, “Çukariçki” və “Vojdovaç” klublarının da formasını geyib.

Bu yay “Turan Tovuz” Dioqo Balau, Aleksey Kenyaykin, Stiv Beusnard, Filip Damyanoviç və Rahil Məmmədovu da transfer edib.]]> true https://www.football-plus.az/88067-cl-de-ilk-turun-son-6-oyunu-fenerbaxca-sabah-ve-basqalari.html admin2 Çempionlar Liqası Thu, 10 Sep 2026 20:44:30 +0400 Ardıcıl ikinci mövsüm liqa mərhələsinə vəsiqə qazanan “Slaviya” “Lans”la ev oyununda ÇL-də illərdi davam edən qələbə həsrətini bitirməyə səy göstərəcək. Belə ki, Çexiya çempionu bu turnirin əsas mərhələsində son qələbəsini debüt oyununda – 2007-nin sentyabrında FKSB-ya qarşı əldə edib. O vaxtdan bəri praqalılar ÇL-də 19 oyunda qələbə üzü görməyiblər (7 heç-heçə, 12 məğlubiyyət). “Komo” Avropa arenasında tarixinin ilk oyununu evdə “Leyptsiq”ə qarşı keçirəcək. Ötən mövsüm A seriyasında ən az qol buraxan komanda olan “Komo”nun ÇL-də necə çıxış edəcəyi böyük maraqla gözlənilir. “Leyptsiq”in İtaliya təmsilçilərinə qarşı keçirdiyi son 3 səfər matçının 2-dən qələbə ilə ayrılması maraqlı məqamdı. Amma bu komanda avrokuboklarda keçirdiyi son 18 qarşılaşmanın heç birində qapısını toxunulmaz saxlaya bilməyib!
10 sentyabr
Fənərbaxça – Roma
PSV – Şaxtyor
Mançester Yunayted – Sabah
Bavariya – Bude/Qlimt
Komo – Leyptsiq
Slaviya – Lans

]]> true https://www.football-plus.az/88066-mancester-yunayted-sabahin-genclerini-darmadagin-etdi.html kenan Avrokuboklar Thu, 10 Sep 2026 20:16:10 +0400 “Sabah”ın U-19 komandası UEFA Gənclər Liqasının liqa mərhələsində ilk oyununu keçirib.

"Football-plus.az" xəbər verir ki, təmsilçimiz səfərdə “Mançester Yunayted”in gənclər komandası ilə qarşılaşıb və 0:5 hesabı ilə məğlub olub.

İngiltərə klubunun qollarını Əmir İbrahimov (2), Yakob Uotson (16) və Qabriel (45, 85, 87) vurublar.

“Sabah” tarixində ilk dəfə UEFA Gənclər Liqasının liqa mərhələsində iştirak edir.]]> true https://www.football-plus.az/88065-bunu-tekce-men-yox-dambrauskas-ve-mesqci-korpusu-da-yaxsi-basa-dusur.html kenan Avrokuboklar Thu, 10 Sep 2026 19:24:06 +0400 “Sabah” bu gün Çempionlar Liqasının liqa mərhələsində səfərdə “Mançester Yunayted”lə qarşılaşacaq. Heç şübhəsiz, çempionu “Old Trafford”da olduqca çətin sınaq gözləyir.

Təsnifat mərhələsində daha çox hücum futbolu nümayiş etdirən Valdas Dambrauskasın yetirmələrinin bu dəfə eyni üslubda çıxış etməsi çətin görünür. “Qırmızı şeytanlar” qarşısında “bayquşlar”ın şansı nə qədərdi? “Sabah” xal qazanmaq üçün necə oynamalıdı? Valdas Dambrauskas hansı taktiki dəyişikliklərə əl ata bilər? “Football-plus.az”ın bu suallarına təcrübəli mütəxəssis Aslan Kərimov cavab verdi:

“İstənilən oyunda hər bir komandanın şansı var. Sadəcə, bunun nə qədər çox və ya az olması məsələsi var. Aşkar şəkildə məlumdu ki, bu görüşün favoriti “Mançester Yunayted”di. Bunun üçün futbol bilicisi və ya mütəxəssis olmağa ehtiyac yoxdu.

“Sabah” köklü və premyer-liqanın səviyyəsi yüksək olan komandasına qarşı oynayacaq. Təbii ki, rəqibin şansı daha yüksəkdi. Amma “Sabah”ın da qol imkanları olacaq. Komandanın əks-hücumları pis alınmır. Hücumameyilli futbolçuları yetərincə sürətli və fəaldı. Kənar müdafiəçilər də tez-tez hücuma qoşulurlar. Bu oyunda onların nə qədər irəli çıxa biləcəyini demək çətindi. Çünki rəqib buna çox imkan verməyəcək.

Amma əminəm ki, “Sabah”ın qol şansı olacaq. Eyni zamanda əsas məsələ “Mançester Yunayted”in hücumlarının qarşısını necə almaqdı. Bu isə təkcə bizim komandadan asılı deyil. Rəqibin heyətində yüksək səviyyəli futbolçular var. Onlar müdafiəni yarmaq və fərdi mübarizələrdə üstünlük qazanmaq baxımından “Sabah”ı geridə qoya bilərlər.

“Sabah” necə oynamalıdı? Düşünürəm ki, Dambrauskas “Zirə” ilə oyundan sonra bu barədə kifayət qədər açıq danışdı. O da bildirdi ki, İngiltərədə fərqli oynamaq məcburiyyətində olacaqlar. Böyük ehtimalla “Old Trafford”da daha yığcam, rəqibi geridə qarşılayan və müdafiəyə daha çox diqqət ayıran üslub görəcəyik. Təbii ki, B planının olması vacibdi. Yəqin ki, Dambrauskasın da belə planı var. Oyunda nələrsə istədikləri kimi getməsə, müəyyən dəyişikliklər etməyə çalışacaq. Amma ümumilikdə strategiyanı köklü şəkildə dəyişmək imkanlarımız çox deyil. Çünki bunun üçün çoxlu keyfiyyətli oyunçunun olması lazımdı. Üstəlik komandada zədəli futbolçular var. Solvet oynamayacaq. “Mançester Yunayted” Dambrauskasın indiyədək qarşılaşdığı rəqiblərdən kəskin şəkildə fərqlənir. Əvvəlki oyunlarda hansısa hissələrdə dominantlıq edə bilirdiksə, indi bunu etmək çox çətin olacaq. Bunu təkcə mən yox, Dambrauskas və məşqçi korpusu da yaxşı başa düşür. Şəxsən öz adıma deyirəm ki, hesab necə olur-olsun, Azərbaycan komandası üçün Çempionlar Liqasının liqa mərhələsində meydana çıxmaq və həmin himni eşitmək hər şeyə dəyər. Yenə deyirəm, hesabın necəliyindən asılı olmayaraq”.

İSRAYIL XEYRULLAYEV]]> true https://www.football-plus.az/88064-barselona-onu-icareye-verdi.html kenan Dünya futbolu Thu, 10 Sep 2026 18:40:55 +0400 Mark Kasado “Barselona”nı tərk edib.

22 yaşlı yarımmüdafiəçisi karyerasını icarə əsasında “Deportivo”da davam etdirəcək. Kataloniya klubunun rəsmi saytının məlumatına görə, ispaniyalı futbolçu “Deportivo”ya birillik müddətə icarəyə verilib. Müqavilədə 30 milyon avroya satınalma maddəsi də nəzərdə tutulub.

“Barselona”nın yetirməsi olan Mark ötən mövsüm bütün turnirlərdə 34 oyunda meydana çıxıb və 1 məhsuldar ötürmə edib. Onun klubu ilə hazırkı müqaviləsinin müddəti 2028-ci ilin yayına qədərdi. “Transfermarkt”a görə, Kadadonun bazar dəyəri 18 milyon avrodu.
]]> true https://www.football-plus.az/88063-mehdi-huseynzade-adina-seher-stadionu-tam-hazir-olsa-bele-sumqayit-niye-orda-oynamaq-istemir.html kenan Ölkə futbolu Thu, 10 Sep 2026 18:00:53 +0400 “Sumqayıt” ot örtüyündə yaranan problem səbəbindən ölkə çempionatındakı ev oyunlarını Mehdi Hüseynzadə adına şəhər stadionunda keçirmir. Komanda rəqiblərini daha kiçik tutuma malik “SOCAR Polymer Arena”da qəbul edir.

Daha əvvəl klubun mətbuat katibi Zaur Xudiyev “Football-plus.az”a açıqlamasında stadionun ot örtüyünün artıq hazır olduğunu bildirmiş və “Turan Tovuz”la səfər oyunundan sonra yekun qərarın veriləcəyini söyləmişdi. Bəs stadion hazırdısa, onda niyə “Şamaxı” ilə sentyabrın 12-də keçiriləcək növbəti ev matçının məkanı kimi PFL-in saytında “SOCAR Polymer Arena” göstərilib?

“Football-plus.az” bu məsələyə aydınlıq gətirmək üçün yenidən Zaur Xudiyevə müraciət edib:

“Stadion hazırdı. Qazonda heç bir problem yoxdu. Özümüz də müntəzəm monitorinq aparırıq. Yaşıl və düz görünür, amma köklərlə bağlı müəyyən risklərin olması mümkündü. Xatırlayırsızsa, ötən mövsüm də belə problem yaşanmışdı. Qazon tam hazır olmadan oyunlar keçirildiyindən yenidən yararsız vəziyyətə düşmüşdü. Buna görə düşündük ki, bir həftə səbr edək və bu ev oyununu da “SOCAR Polymer Arena”da keçirək. Onsuz da hər iki stadion bizimdi. Hər ikisini sifariş etmişik və rəhbərliyin, məşqçilər heyətinin qərarına əsasən, istənilən stadionda oynaya bilərik. Hətta Mehdi Hüseynzadə adına şəhər stadionu tam hazır olsa belə, istəsək, “SOCAR Polymer Arena”da da oynaya bilərik. Təbii ki, belə bir halın olacağını düşünmürəm, sadəcə, nümunə kimi deyirəm. “Şamaxı” ilə oyunu “SOCAR Polymer Arena”da keçirəcəyik. Daha sonra Gəncə səfəri var. Ardından milli komandaların oyunları ilə bağlı təxminən 20 günlük fasilə olacaq. İnşallah, oktyabrda “Qəbələ” ilə ev oyununu Mehdi Hüseynzadə adına şəhər stadionunda keçirəcəyik”.

İSRAYIL XEYRULLAYEV]]> true https://www.football-plus.az/88062-cudocularimizin-ilk-reqibleri-aciqlandi.html kenan İdman Thu, 10 Sep 2026 17:26:44 +0400 Bu gün Macarıstan paytaxtı Budapeştdə cüdo üzrə Böyük Dəbilqə turnirinin püşkatma mərasimi keçirilib.

"Football-plus.az" xəbər verir ki, püşkatmanın nəticələrinə görə Azərbaycan idmançılarının ilk rəqibləri bəlli olub.

Los-Anceles-2028 Yay Olimpiya Oyunlarına lisenziya xalları verən yarışda Azərbaycan 11 çəki dərəcəsində 16 cüdoçu ilə (12 kişi, 4 qadın) təmsil olunacaq. Turnirdə 67 ölkədən 504 idmançı (308 kişi, 196 qadın) mübarizə aparacaq.

11-13 sentyabr aralığında keçiriləcək Macarıstan Böyük Dəbilqəsində ilk yarış günü təsnifat mərhələsi saat 11:00-da, final bloku isə saat 19:00-da start götürəcək. Turnirin görüşləri "Judo TV" və "CBC Sport"dan canlı yayınlanacaq.

Qadınlar
-48 kq, 1/16 final
Könül Əliyeva – Mariya Sequnda (Anqola)

-52 kq, 1/16 final
Aydan Vəliyeva – Andrea Stoyadinov (Serbiya)

-70 kq, 1/16 final
Südabə Ağayeva – Tais Pina (Portuqaliya)

+78 kq, 1/16 final
Madina Kaisinova – Qabriyel Buvye (Belçika)

Kişilər
-60 kq, 1/32 final
Babarəhim Mirzəyev – Nuradil Aljan (Qazaxıstan)
-60 kq, 1/16 final
Murad Muradlı – Vahe Ağasyan (Ermənistan)

-66 kq, 1/16 final
Rəşad Yelkiyev – Mohammad Xoşbin (IRT)
Nizami İmranov – Maykl Frayer (Böyük Britaniya) / Akjigit Nassir (Qazaxıstan) cütünün qalibi ilə

-73 kq, 1/32 final
Kamran Süleymanov – Natan Kadinyan (Fransa)
Rəşid Məmmədəliyev – Orlando Kazorla (Fransa)

-81 kq, 1/32 final
Hidayət Heydərov – Benedek Tot (Macarıstan)
Vüsal Qələndərzadə – Odisseas Georqakis (Kipr)

-90 kq, 1/16 final
Vüqar Talıbov – Stevan Nikçeviç (Monteneqro) / Aleks Kret (Rumıniya) cütünün qalibi ilə

-100 kq, 1/16 final
Əjdər Bağırov – Xuslen Munxuu (IRT) / Daniel Lyubimovski (ABŞ) cütünün qalibi ilə

+100 kq, 1/16 final
Camal Qamzatxanov – İqor Vraçar (Serbiya)
Kənan Nəsibov – Artyom Zolotuxin (Rusiya)
]]> true https://www.football-plus.az/88061-kepezin-kapitaninda-14-sm-yirtiq-askarlandi.html kenan Ölkə futbolu Thu, 10 Sep 2026 17:16:12 +0400 “Kəpəz”in kapitanı Dioqo Verdaska uzun müddət yaşıl meydanlarda olmayacaq.

"Football-plus.az" xəbər verir ki, bu barədə Gəncə təmsilçisinin mətbuat xidməti məlumat yayıb.

Dünən məşqdə zədələnən portuqaliyalı müdafiəçinin sağ bud əzələsində 14 sm uzunluğunda yırtıq aşkarlanıb. Tibbi heyətin protokoluna əsasən, Verdaskanın müalicəsi 6 həftə çəkəcək.]]> true https://www.football-plus.az/88060-meglubiyyetden-nece-hezz-almaq-olur-ki-heyecanli-gece-erefesinde.html kenan Manşet / Yazarlar Thu, 10 Sep 2026 17:08:37 +0400 İngiltərə klubları və yığmaları bizi harda görürdüsə, şapalaqlayırdı, xal, qələbə arzumuzu gözümüzdə qoyurdu. Düz ötən il noyabrın 5-nə qədər. Məhz həmin gün “Qarabağ” Bakıda “Çelsi” ilə heç-heçə etməklə premyer-liqa təmsilçilərindən xal almağın mümkün olduğunu göstərdi. Bu gün həmin 2:2-ni yada salmağım səbəbsiz deyil. Yenə ingilislərlə qarşılaşırıq, özü də səfərdə.

Əzəmətli “Old Trafford”, köhnə qüdrətindən nə qədər uzaq düşsə də, yenə də əzəmətli görünən “Mançester Yunayted”... Valdas Dambrauskas qədər də olmasa, əməlli-başlı həyəcan keçirirəm. Sanki mən də ehtiyat oyunçular skamyasında oturmuşam, indicə litvalı hoca məni yanına çağıracaq, kürəyimə sığal çəkib, meydana buraxacaq, “hadi qoçum, çıx, özünü göstər” deyəcək. Zarafat bir yana, azərbaycanlı futbolsevərlər üçün çox həyəcanlı gecədi.

Bizim mediada və sosial şəbəkədə gedən müzakirələrdə diqqətimi çəkən bir tesiz var. Guya, sadəcə, anın ləzzətini, dadını çıxarmaq, nəticəyə fikir vermədən bugünkü oyundan həzz almaq lazımdı. Əlbəttə, çox istərdim ki, səfərdən 1 xalla qayıdaq, doğrudan da, “Sabah”ın ÇL-də debütünün sevincini yaşayaq. Amma mənə maraqlı və qəribə görünən bir məqam var: Allah eləməmiş, “Sabah” bu gün 5-6 top buraxarsa, “gəlin, sadəcə, həzz alaq” deyənlər gerçəkdən həzz ala biləcəkmi? Ölkəmdə belə mazoxistlər varsa, alınlarından öpər, “get yaşa, övladım” deyərdim.

Amma demirəm. Çünki mən mazoxist deyiləm. Məğlubiyətdən, ağrıdan, alçalmaqdan ləzzət ala bilmirəm. Ümumiyyətlə, futbolda böyük hesabla uduzan hansısa futbolçunun, jurnalistin, adamın, sadəcə, günün təntənəsinə söykənib, özünü və ictimaiyyəti aldatmağa yönələn söz oyununa, cilvəsinə qulaq asan yaşım çoxdan keçib.

Bacardıqca yaxşı oynamaq, qol və qollar vurmağa, xal və xallar almağa çalışmağa lazımdı. Mən də bunun mazoxistiyəm! Uğurlar, “Sabah”!

ORXAN]]> true https://www.football-plus.az/88059-gence-kepeze-sadiq-qalacaqmi-11500-satilmamis-bilet-var.html kenan Ölkə futbolu Thu, 10 Sep 2026 16:15:12 +0400 “Kəpəz”in ev oyunlarına bilet satışı ilə bağlı müntəzəm məlumat veririk. Premyer-liqanın 5-ci turunda “Qəbələ”ni qəbul edəcək Gəncə təmsilçisi artıq üç gündü biletləri satışa çıxarıb. Klubun rəsmi açıqlamasına görə, indiyədək cəmi 3500 bilet satılıb.

Daha əvvəl “Kəpəz”in çempionluğa iddialı “Turan Tovuz”la görüşünü 13500, “Şamaxı” ilə oyununu isə 15000 azarkeş izləyib. Ötən matçda darmadağın olan “sarı-göylər”in budəfəki rəqibi ilk 4 turdan sonra cəmi 4 xal toplayan “qırmızı-qaralar” olacaq.

Təbii ki, “Qəbələ” ilə qarşılaşma əvvəlkilər qədər cəlbedici görünmür. Ona görə də bu matç “Kəpəz” azarkeşlərinin komandaya real marağını, sevgisini ölçmək baxımından müəyyən mənada sınaq xarakteri daşıyacaq. Əvvəlki oyunlarda rəqib amili azarkeş marağını artırırdısa, bu dəfə həmin amilin təsiri az olacaq. Görəsən, gəncəlilər “Kəpəz”i rəqibdən və nəticədən asılı olmayaraq dəstəkləyəcəkmi?

İSRAYIL XEYRULLAYEV]]>